Польща докаже в сітуації потребы змобілізувати 550.000 вояків, інформував о тім шеф ґенералного штабу польской армады ґенерал Віеслав Кукула подля денника Rzeczpospolita. Пресове одділіня штабу конкретізувало, же іде о професіоналных вояків, членів домобраны і резервістів, котры можуть быти в припаді крізовой сітуації мобілізуваны. Польща мать моментално 144.000 професіоналных вояків і 44.000 членів Теріторіалной обороны, котра є частьов армады як домобрана. (TASR, Pkf)