Овірюваня знання девятаків основных школ тот рік з математікы і навчального языка, котре знаме і під старшов назвов ‟монітор‟, ся неодбуде цілоплошні, але на репрезентатівній взорці. Його цільом є овірити знання учнів по другій вовні пандемії. Дослідженя буде реалізоване на репрезентатівній взоркі учнів девятых класів основных школ і четвертых класів ґімназія з вісемрочным едукачным проґрамом. Взорку буде творити скоро 500 школ, причім ся залучить скоро 13.000 школярів. Пресаґентуру TASR о тім днесь інформував одбор комунікації Міністерства школства, наукы, дослідженя і шпорту СР. Моніторінґ ся на выбраных школах одбуде од 31-го мая до 11-го юна. (TASR, Pkf)