Презідент  Сполученых штатів Америцькых (США) Доналд Трамп прийме 2. aпрілa у Вашінґтоні ґенералного секретаря Североатлантічной аліянції (NATO) Дженса Штолтенберґа. Інформував о тім Білый дом. NATO одсвяткує 4. апріла 70. выроча свого заснованя. В четвертый апрільовый день року 1949 підписало 12 країн Европы і Северной Америкы в главнім місті США Севeроатлантічный договор.  З той нагодыся 3. і 4. апріла стрітнуть у Вашінґтоні міністры заграничных справ днешніх 29 членьскых штатів Аліянції. Білый дом увів, же Трамп і Штолтенберґ хочуть на своїй стрічі  з нагоды 70-го выроча підкреслити „значіня NATO як опоры про меджінародный мір і стабіліту“, далей  о успіхах Аліянції – окрім іншого і о ростучім вкладі европскых партнерів при приділюваню коштів на охрану в рамках NATO. Темов будуть і ближаючі ся вызвы про Аліянцію. (TASR, Pkf)