Посланці Долной снімовні британьского парламенту несхвалили вчера вечур  в індікатівнім голосуваню пропозицію на одход Британії з Европской унії без догоды 12. апріла. Тыж несхвалили і дальшых сім пропозицій дотуляючіх ся брехіту. Інформувала о тім справодайска аґентура BBC. Окрім того посланці Долной снімовні британьского парламенту будуть 1. апріла їднати о петиції за зрушіня одходу Британії з Европской унії (EÚ), котру підписало скоро шість міліонів людей. Вєдно з петиціойов за зрушіня статі 50 Лісабонского договору, котрым ся управляє одход членьского штату з EÚ, буде Долна снімовня 1. апріла їднати і о дальшых двох петіціях повязаных з брехітом. Перша з них вызывать на зорґанізуваня другого референда о одході Британії з EÚ, друга вызывать на брехіт з догодов або без ньой в попереднім терміні то значіть 29. Марца. Долна снімовня мусить продіскутовати кажду петіцію, під котру  підпише ся вецей як 100.000 людей. (TASR, Pkf)