Амбулантный продай без поволіня і реґістрачных кас знепокоює старостів сел  з марґіналізованыма ромскыма комунітами в окресі Вранов над Топльов. Як про пресову аґентуру TASR повів староста села Чічава Душан Віленік, нелем він мать страх з можного шыріня пандемії, кідь же продай роблять тыж Ромове, котры приходжають до сел на автах з евіденчныма чіслами різных окресів. „Зо зачатку ходили авта з польскыма евіденчныма чіслами, але і в них были Ромове, але теперь суть то лем словацькы чісла з різных окресів. Каждый день дві-три,“ конкретізував Віленік з тым, же дві такы сітуації  рішыв і вчера, причім  продай заставила аж прикликана поліційна патроля. На місці было подля його слов барз вельо зґрупованых Ромів, з котрых ся лем малокотры хранили охранным рушком. (TASR, Pkf)