Бібліотека в Старім Смоковцю є по обнові зась отворена. Чітателї ся окрем утулнішых, змодернізованых просторів можуть тїшыти і на новы тітулы. Інформовало о тім місто Высокы Татры на соціалній сїтї з тым, же протягом святочного отворїня тот тыждень єдну публікацію жертвовав татраньскым чітателїм містный писатель Іван Богуш. Філіалка бібліотекы ся находить в центрї Старого Смоковця, в будові поставленій в роцї 1898 подля проєкту шпішськосуботьского архітекта Ґедеона Маюнкого.

(TASR, Шутіова)