Турецькый презідент Рецеп Тайіп Ердоґан навщівить в четверь Росію, абы там зо своїм російскым колеґом Владіміром Путіном їднав о наростаючім напяті в Сірії. З одклаканям ся на  днешні выголошіня канцеларії турецького презідента о тім інформувала аґентура AFP. Анкара вчера потвердила, же в провінції Ідліб, котра є послідньов баштов противладных повстанців  в Сірії, зачала воєньску операцію проти Російов підпорованым силам сірского презідента Башара Асаду.  В тот самый день турецька армада посередництвом дронів забила 19 сірьскых вояків і зострілила дві сірьскы стігачкы. (TASR, Pkf)