x

До Хорватії піде в лїтї очівісно найвекша кількость чеськых турістів

00

Чеське міністерство загранічных дїл очекує, же кількость турістів путуючіх до Хорватії перекрочіть почас тогорочной лїтнёй сезоны міліон, што бы было найвеце в історії. Подля міністра загранічных дїл Яна Ліпавского піде о першу повногоднотну постковідову сезону. Повів то у четверь при єй формалнім одштартованю, інформує о тім справодайкыня TASR в Празї. Як позітівну новинку підкреслив вступ Хорватії до шенґеньского простору, што принесло зрушіня гранічных контроль при вступі до країны. Верьхный директор Секції правной і конзуларной Мартін Смолек але підчеркнув, же путуючіх може глядка сконтролёвати нечеканї в близкости граніць. Смолек тыж апеловав на то, жебы люде не забывали на путёвы доклады. ,,Хоць уж не потребуєте пас, але потребуєте мінімално обчаньску леґітімацію а то ся тыкать і дїтей. Знам, же ся на то люде часто просять: дїти од народжіня можуть мати обчаньску леґітімацію. Є то просте, можете сі ю выбавити в будьякім селї з розшыренов пособностёв,“ припомянув.

(TASR, Шутіова)