Україньскый презідент Володимир Зеленськый вчера увів, же го шоковало нефунґованя Орґанізації обєднаных націй і Червеного хреста при даваню помочі по зніченій Каховскій перегороді на югу Україны. Інформував о тім британьскый денник Sky News, котрый справу перевзяв з німецькых медій. Окрім іншого Зеленськый інформував, же російскы воєци в областях постигнутыма заливами стріляють на україньскых рятовників, котры там помагають. Каховска перегорода на рікі Днеперь в Російов окупованій часті югоукраїньской Херсонской області ся переторгла у вівторок скоро рано. Москва і Києв ся з єй знічіню взаємно обвинюють. (TASR, Pkf)