Ізраїльска армада в неділю опубліковала інформацію, же бойовы аєропланы бомабардували воєнскы становища Гамасу на севері пасьма Ґазы як одвету за „горячі предметы“, котры в Ґазі вылітують з цільом запалити землегоподарьскы поля в Ізраїлю. З комуніке армады жыдовского штату цітує аґентура ДПА. Од 30. марця демонштрують кажду пятницю на границях з пасмом Ґазы десяткы тісячі палестинскых Арабів. В рамках даных протестів зачалы дакотры Палестинчане выпуштяти шарканів, ку котрым суть припевнены горячі предметы. Арабы ся так снажать підпалити Ізраїльчанім поля на другім боку границь.
(TASR)