До кінця марца є можливость приголосити ся на штудійный проґрам Учітельство русиньского языка і літературы в комбінації, в бакаларьскім і маґістерьскім ступні штудія. Штудіум русиністікы як єдина на Словакії понукать Пряшівска універзіта в Пряшові, на котрій діє Інштітут русиньского языка і културы. Русиньскый язык і література штудує ся в комбінації з іншыма академічныма предметами. Зато універзіта давать можливость выбрати собі комбінацію на трьох своїх факултах і на єднім інштітуті. Покля маєте інтерес о штудіум русиністікы, приглашкы на приятя в академічнім році 2019/2020 мож посылати до 31-го марца. Електронічну приглашку можете найти на сайті Інштітуту русиньского языка і културы, де можете здобыти і веце інформацій односно штудій, припадно найти контакты, на котры можобернути ся із вопросами.

(Медвідь)