Ґрекокатолицька церьков на Словакії собі днесь припоминать смутну 70-ту річніцю такзваного Пряшівского собору, котрым была офіціално завершена ліквідація Ґрекокатолицькой церькви в бывшій Чехословакії. Собор проходив 28-го апріля 1950-го року в салі Чорного орла в Пряшові під діріґованьом Комуністічной партії і Штатной безпечности. Ґрекокатолицька церьков 18 років была мімо закон і пережывала лем ілеґално. Обновити ся єй подарило почас Пражской яри, но по інвазії войск Варшавского договору і наслідній нормалізації была до 1989-го року лем терпленов. Днешня річніця мала быти допроводжана веце споминовыма подіями. Кедьже продовжує заказ згромаджовати ся, події пересувають ся на пізнішы терміны, інформовав Михал Павлішіновіч, говорця Пряшівской архієпрахії.

(Медвідь)