Представителї Одборового союзу ОЗ КОВО підпорують плановане звышованя мінімалного плату. Є то повязане з неспокійностёв з вышков сучасных платів. Неспокійных заместнанцїв хотять запоїти і до приправлёваных верейных згромаждїнь, на котрых хотять на проблемы з низкыма платами повказати. Реалізовати бы ся мали на выходї Словакії на переломі априля і мая. Точны терміны, але і кількость згромаждїнь оголосять по змоніторованю уровни спокійности заместатнцїв в єднотливых подниках, котре моментално проводять. Увели то заступцёве ОЗ КОВО на четверёвій прессовій бісїдї в Пряшові. Як повів член председницьтва ОЗ КОВО Йозеф Баліца, велика часть заместнанцїв на Словакії мать низкый плат. Дотулять ся то главно заместнанцїв на выходї Словакії а то подля одборарів веде к неспокійности. „Зато хочеме і формов публічного подпорно-протестного згромаждїня выразити неспокійність з уровнёв платів, котры на Словакії маєме,“ увів Баліца.

                                                                                                                      (Korzár, Шутіова)