Локдавн є іщі все єднов з можностей, котру буде мусити Словакія акцептовати. В понедільок то перед засіданьом влады повів міністер здравотництва Марек Крайчі. То, ці бы ку локдавну мало прийти перед Рождественныма святами, припадно по них, є подля його слов вопросом договору. За словами міністра, кебы мало прийти ку локдавну, мало бы то быти в часі, коли то єкономічно найменше пошкодить. Доповнив, же слідують даны, но не дасть ся допереду знати, што ся стане, кедьже є Словакія в стані нужды.

(Медвідь, TASR)