Франція подля міністра загранічных справ Жана-Ноела Баррота підпорує позаставліня уплатньованя минулорічного підписаного торгового договору меджі Европсков унійов (ЕУ) і Сполученыма штатами. Баррот то повів у віторок у францюзькім Народнім згромаждіню у звязку зо загрожіньом з цлами з боку америцького презідента Доналда Трампа у вопросі Ґренландії. Інформує о тім аґентура Reuters. ЕУ в рамках рамкового договору в юлі минулого рока была согласна з тым, же на векшыну товарів експортованого до Сполученых штатів буде платити цло у вышці 15 процентів. Трамп у суботу погрозив, же на довоз із вісем европскых країн увалить од 1-го фебруара десятьпроцентне цло, котре буде платити довтогды, покля ся невырішыть вопрос здобытя Ґренландії Сполученыма штатами. (TASR, Пкф)