Коло 600 000 людей в януарі втекло з україньского главного міста Києв перед російскыма атаками на енерґетічну інфраштруктуру. В дебаті про аґентуру AFP то у віторок повів пріматор Києва Віталій Клічко. Жытелі метрополы подля нього послухли вызву на дочасну евакуацію, котру їм адресовав 9-го януара.  „Теплота є скоро мінус 20 ґрадусів і (рускый презідент Владімір) Путін то выужывать на зломліня одпору, на то, жебы вшыткых довів до депресії і вытворив напяття в сполочности,“ выголосив Клічко з тым, же з Києва, котрый мать коло 3,6 міліона жытелів, ся выселилоколо 600 000 людей. (TASR, Пкф)