В суботу 16. юна o 8.00 годинї штартує уже 9. річник харітатівной ціклотуры по Словакії. Проєкт На біціґлю дїтём про жывот посередницьтвом Обчаньского здружіня Дїтём про жывот помыгать онколоґічно хворым дїтьскым пацієнтам. Основателём обчаньского здружіня є Мірослав Білік, отець хлопчіка, якому у віцї 2 рокы діаґностіковали левкемію. Протягом вісем днїв од 16. юна до 23. юна перейде пелотон трасу зо Стащіна, через Мораву аж до Братїславы. Ціклісты навщівлять довєдна 237 міс і сел а находять веце як тісяч кілометрів. На своїй трасї навщівлять шпыталї і онколоґічны оддїлїня. Цїлём туры є вызберати што найвеце фінанцій про онколоґічно хворы дїти і їх родины на уграду рекондічных побітів.
(Цітрякова)