Рештарт найвекшой ядровой електрарні на світі Кашівазакі-Каріва днесь быв заставленый  лем пару годин по зачатю процесу, увів єй превадзкователь. Єдночасно  додав, же реактор зостав „стабілный“. Інформує о тім аґентура AFP. Реактор електрарні в префектурі Ніїґата быв одставленый од катастрофы у Фукушімі в році 2011 і його роботу обновили в середу. „Підчас процесу спущаня реактора ся озвав аларм з моніторованого сістему і його превадзка є теперь позаставлена,“ увів превадзкователь заводу Tokyo Electric Power Company (TEPCO). „Реактор є стабілный і недошло к ниякому уніку радіоактівіты,“ увела електрареньска сполочность. Причіну проблему досліджують, натеперь але  не знають, коли превадзку обновлять. Знову спущіня реактора было по довгых роках наплановане на вівторок.  (TASR, Пкф)