Найменше троє людей вмерло при стріляню в містечку Lake Cargelligo в австральскім штаті Новый Южный Валс, ознамила то днесь містьтна поліція. Дальшу особу перевезли до шпиталю у  важнім, но стабілізованім ставі. Інформує о тім станіця BBC і аґентира AP. К інціденту дошло приближно о 16:40 містьного часу (06:40 SEČ). Поліція вызвала публіку, жебы ся области сторонила, і містьных жытелів, жебы остали дома. Винник є правдеподобно фурт на утіку. Уряды подтвердили, же меджі жертвами суть дві жены і єден хлопець. Денник The Sydney Morning Herald увів, же стріляня могло быти повязане з домашнім насильством. К інціденту дошло по недавнім траґічнім стріляню на Bondi Beach в Сідней, де при антисемітьскім мотівованім атаку вмерло 16 людей вєдно атакуючого. (TASR, Пкф)