Безпечностна служба Україны (SBU) ся вчера приголосила к одповідности за минулорічный атак на Кримскім мості, котрый споює Росію з анектованым Кримскым півостровом. При атаку пришли о жывот три особы, інформує о тім аґентура Reuters. “Одбыло ся уж много різных шпеціалных операцій. О дакотрых будеме мати можность бісідувати по перемозі Україны публічно і наголос, а дакотрых наопак бообще,“ повів шеф SBU Василь Малюк по презентації новой поштовой знамкы венованой україньскым шпеціалным частям. К выбуху на Кримскім мості, знамім і під означіньом Керчскый міст, дошло 8-го октобра 2022-го року. Пошкоджена была його драга, з котрой часть пала до моря, і його желізнична часть, на котрій горів влак з цістернами наповненыма паливом. (TASR, Pkf)