Крітіци епідеміолоґічных наряджінь мадярьской влады по недільняйшім протесті зышли ся на будепаштаньскім Намістю героїв і в понедільок пополідне, інформовало інтернетове выданя денника Népszava. Подля денника так зробили і наперек тому, же трьоми головны орґанізаторы мусили за недільняйшу демонштрацію в часі заказу выходжіня заплатити штроф. На намістя знова пришло коло 300 протестуючіх. Арон Еченій, головный орґанізатор протестной акції, вызвав участных, жебы пришли і на далшу демонштрацію, котра бы мала быти в неділю перед парламентом.

(Медвідь, TASR)