Европскый парламент (ЕП) вчера вызвав на одкрытя першых  капітол їднаня з Українов, жебы ся ускорив єй поступ на путі до Европской унії. Подля европосланьців Києв мусить зинтензивнити реформы в области правного штату, судницьтва і боя проти корупції, інформує TASR. Справа Выбору ЕП про загранічны діла (AFET), котра оцінює приправленость Україны на членство в ЕУ на фоні продовжуючой російской аґресії, была прията 418 голосами, проти было 135 посланців і 41 ся стримало од голосованя. (TASR, Пкф)