Премєр Едуард Геґер занимать ся можностьов тритыждньового локдавну про вшыткых жытелів, як то пропонує Міністерство здравотництва і конзілія фаховців. TASR о тім інформовала Геґерова говоркыня Любіца Янікова. Як повіла, председа влады в жаднім припаді не буде газардовати зо жывотами щіпленых або нещіпленых, і зато занимать ся вопросом локдавну про вшыткых. Погляд фаховців є про премєра подля говоркыні ключовым. Подля Геґера є потрібне сітуацію рішыти такой і зато, жебы люди мали покійнішы Рождественны свята і могли ся пізніше обмеджіня увольньовати з оглядом на сезону в турістічнім русі, котра ся ближыть.

(Медвідь, TASR)