Гуманітарна поміч, котру ся протягом остатных двох місяцїв подарило транспортовати до Пасма Ґазы а дістрібуовати меджі приближно два міліоны містных жытелїв, не є достаточна. Выголосив то у четверь говорця ґенералного таёмника Орґанізації споєных народів (OSN) Фарган Гак. OSN потвердила, же єй тімом ся подарило в середу на двох гранічных переходах позберати головно муку а транспортовати ю дале до Пасма Ґазы. Гак але варовав, же тото множство не де достаточне. Додав, же Ізраел мусить уможнити далшы додавкы а зарівно неґовав ёго тверджіня, же OSN не хоче дістрібуовати поміч. ,,Не намагаме ся забранити тому, жебы вшыткы тоты люде, враховано нашых властных людей, достали потравины. Сперають їм в тім різны прекажкы враховано тых, котры кладуть ізраельскы орґаны,“ увів Гак. Подля гуманітарных орґанізацій є тота палестіньска енклава на краю голодомору.

(TASR, Шутіова)