Меджі 13 жертвами вынученого пристатя ероплану Сухой Суперєт 100 в Москві суть і дві дітины. Подтвердила то російска выслухуюча ґрупа, котра ся траґедійов заоберать. Інформувала о тім розгласова станіця Ехо Москва. Російске здравотницьтво увело, же вчерайше літецьке нещастя собі выжадало і сім пораненых. Став двох з ных вызначують лікарї за важный. З причины даной траґедії, котра ся одбыла на летіску Шереметєво, было на летісках в Москві зрушеных вецей як сто літів.  Ероплан Сухой Суперєт 100 штартовав з Москвы і мав летіти до Мурманска. Ероплан шак коротко по штарті выслав гаварійный сіґнал і екіпаж ероплану зачав ся приправувати на вынучене пристатя. Екіпаж ероплану потведив, же ероплан в часі літу засягнув блеск. (ТАСР, Пкф)