Карпатьскы буковы  пралісы давають притулок веце як 10.000 сортам ростлин, звірів і грибів. Місця світовой природной дідовизны, котры UNESCO найперше за помочі Словакії і Україны узнало, днесь мають назву Стары буковы лісы і Буковы пралісы Карпат і іншых реґіонів Европы а находять ся у 18-ох европскых країнах. На Словакії  до них належать Вігорлат, Гавешова, Рожок, Стужіця – Буковскы верьхы і Удава. Запис до списку світовой дідовизны під назвов Карпатьскы буковы пралісы схвалив Выбор світовой дідовизны в році 2007, про  незгоды меджі даныма в маповій і табличковій части ся ясны граніці словацькых локаліт дефіновали в 2019-ім році а выбор світовой дідовизны їх потім дефінітівно схвалив минулого року. (TASR, Pkf)