x

В СНМ – Музею русиньской културы в Пряшові одбуде ся вернісаж выставы під назвов Русины в збірці образів Петра Микулы.

00

Як інформовала Яна Трущінька із Словацького народного музея – Музея русиньской културы в Пряшові, 24-го юна 2022-го року одбуде ся вернісаж новой выставы під назвов Русины в збірці образів Петра Микулы. Петро Микула є довгорічный русиньскый актівіста, член Русиньской оброды на Словеньску а єдночасно і збератель образів. Русиньска оброда є співорґанізатором той выставы. Колекція Петра Микулы є заміряна на русиньске вытварне уменя. Суть в ній авторы русиньского походжіня із Підкарпатя і Словакії, головно іде о малярів прославленой Підкарпатьской русиньской малярьской школы. Так само має Петро Микула у своїй збірці словацькых умелців, котры тематічно занимають ся у своїх творах Русинами, головно іде о авторів Кошыцькой модерны.  (LEM.FM, Pkf) Жрідло фотоґрафії: Радіо LEM.FM