Снина немусить гледати варіант про діяня складкы тугого комуналного одпаду. Продовжує прото в повольовачім процесі на запертя першой етапы складкы і зпревадзкованям другой етапы. Про TASR то повів конатель містьской компанії Верейнопроспешны службы Снина, котра складку справує, Маріан Кніж. Снина нехоснує свою складку од кінця 2017-го року, кідь єй з прічіны адміністратівных і процесных хыб уплинуло діяня поволіня на превадзкованя. З цілковой капаціты складкы 178 000 метрів кубічных є днесь подля Кніжа вольных іщі коло 50 000 метрів кубічных, што бы могло місту Снина выстачіти скоро на десятьріча. Актуална сітуація, кідь є місто одказане на уложіня свого одпаду на складку в селі Папін, стоїть сниньску самосправу подля Кніжовых слов скоро 150 000 евр рочні. Плус суть там дальшы кошты на єй утримуваня. (TASR, Pkf)