В першім півроку 2022 бы ся мало на теріторії Словацькой републикы одбыти 32 воєньскых треновань з участьов заграничных озброєных сил. Словацькы вояци бы єдночасно мали быти высланы на 60 воєньскых треновань до загранича. Выходить то з пропозиції Міністерства обраны СР, котра є в меджірезортнім припомінковiм діяню. Як пояснює резорт, воєньске тренованя є єдным з основных метод на звышованя приправености Озброєных сил СР. (TASR, Pkf)