x

Ід летецькому споїню Ржешов-Ню Йорк буде через Пряшов ходити автобус з Кошіць

00

Реґуларне летецьке споїня до Споєных штатів америцькых офіціално зачінать 30. апріля з меджінародного летїска Ржешов – Ясіонка. До Ню Йорку буде летадло одлїтати каждый понедїлёк. Про цестуючіх зо Словакії буде на летїско к тому спою заведжене меджінародне автобусове споїня з Кошіць, з можностёв наступити і в Пряшові. Інформовав о тім у четверь в Пряшові презідент меджінародного летїска Ржешов – Ясіонка, Михал Табіш. Презентація нового доправного споїня є выслїдком догоды о співрацї меджі Пряшівскым самосправным краём і Подкарпатьскым войводством, котру підписали 16. фебруара в Ржешові.
(TASR, Цітрякова)