Таліаньска премєрка Джорджія Мелоніова оцїнила четверёве рїшіня европского парламенту, котре отворило путь про депортацію міґрантів з одмітнутов жадостёв о азіл до центер мімо Европской унії. Подля нєй іде о крок ку довірігоднішій міґрачній політіцї ЕУ, інформує TASR подля справ аґентур AFP і ANSA. ,, Европскый парламент одсугласив новы правила про навернутя (неуспішных жадателїв о азіл до їх державы) : Европа ся конечнї бере правилным напрямом, по пути, котру Італія силно підпорує,” написала Мелоніова на соціалных сїтях. Европосланцї у четверь в Бруселї підпорили пропонованы зміны в сістемі навернутя про неуспішных жадателїв о азіл з третїх держав. Реформа окрем зряджіня навратовых центер мімо ЕУ рахує і зо строгішыма санкціами, враховано затриманя про особы, котры одмітнуть опустити теріторію ЕУ. ЕП тым вытворив простор на зачатя роковань в азіловім і міґрачнім пактї з Радов ЕУ (членьскыма штатами).

(TASR, Шутіова)