Североатлантічна аліанція підтримує теріторіалну цілость Босны і Герцеґовины і є знепокоєна „згубным засягованьом із боку заграніча“ до справ той балканьской країны, повів у понедільок ґенералный секретарь НАТО Єнс Столтенберґ. Подля його слов за тым стоїть Росія і далшы актеры, інформує аґентура Associated Press. Босняньска столиця Сараєво была в понедільок першов заставков шефа НАТО в рамках балканьского турне. Москва одкрыто підпорує проросійского босняньскосербского презідента Мілорада Додіка, котрый жадать приєднаня босняньской Републікы сербской до сусідньой Сербії. За словами Столетенберґа то підкопує єдность і ничіть реформы.

(Медвідь, TASR)