Пряшівскый самосправный край на кінці минулого тыждня уж по осьмый раз передав найвысше крайске оцініня в соціалных службах – Крыла тужбы. Ціну за рік 2018 собі перевзяли троє лавреаты в часі ґалапроґраму на великій сцені Театру Йонаша Заборского. Його частьов быв уж традично і концерт без барєр. О оціненых в трьох катеґоріях вырішыли на основі номінацій членове Комісії соціалных справ і родины при Представницьтву Пряшівского самосправного края. В катеґорії інштитуцій соціалных служб спомеджі штирьох номінацій здобыло Крыла тужбы Інтеґрачне заряджіня КОР-ҐІМ, н.о. в Гертнику, в катеґорії робітник в інштитуції соціалных службы собі крайске оцініня спомеджі осьмых номінованых перевзяла Марія Дзурацка з Центра соціалных служб Аметіст в Товарнім а в катеґорії приниманя соціалных служб комісія спомеджі двох пропозицій приділити ціну Марцелові Янічові з Центра соціалных служб Затішє в Снині – Домов соціалных служб Осадне.
(TASR)