Росія бы ся мала вернути до режіму дотримованя Договору оліквідації ракет середнього і короткого долечіня (INF). В понедільок то повів ґенералный секретарь НАТО Єнс Столтенберґ в реакції на крок російского презідента Владиміра Путіна, котрый курто перед тым підписав рішіня о офіціалнім позаставліню участи Росії на договорі, котрый быв підписаный у 1987-ім році зо Споєныма штатами Америкы. Інформовала о тім аґентура DPA. Столтенберґ припомянув, же INF быв десяткы років основным піліром европской безпечности і звернув увагу, же новы ракеты, на котрых робить Росія, представлюють „ясне і явне порушіня“ того договору.

(Медвідь, TASR)