x

Інштитут 13. і 14. заробітку од 1. мая став діючім

00

До Законника роботы ся аплікував інштитут 13. і 14. заробітку, котрый будуть мати можность заместнавателі дати робітникові надалей на добровольній базі. Поступуючо шак будуть ослободжены од дані і одводів до сумы 500 евр. Условійом є, же будуть мусіти быти хоць лем у высшкі середньойго місячного заробітку робітника. Выпливать то з новелы Законника роботы, котрый є діючій од вчерашнього дня. Першый раз мать быти 13. заробіток, як літня одміна, выплачена в юні того рока, 14. заробіток мать быти выплаченый в децембрі. Дефініють ся як грошовы повніня, котры може заместнаватель дати робітникові з нагоды періоду доволенок і різдвяных свят. На ослободжіня даных заробітків од дані і одводів будуть мусіти быти сповненых і пару условій. Так наприклад, при 13. заробітку буде мусіти робітник одробити у фірмі неперерывно два рокы. Покы іде о робітника, котрый одробив у фірмі штурі рокы, в децембрі може достати і 14. заробіток, але условійом буде, абы достат перед тым і 13. заробіток.
(TASR)