x

Пряшівскы крайскы посланці підтвердили тром містам сполуучасть у вышкі 290 тісяч евр

00

Три здружены інвестиції с цілковов фінанчнов підпоров у вышкі 290 тісяч евр пітвердили вчера пряшівскы крайскы посланці. Самосправный край такым способом фінанчні ся анґажує в проєктох, котры суть заміряны на зліпшеня ці выставбу шпортовых заряджінь. В Меджилабірцях Пряшівскый самосправный край підпорить дотаційов 100 тісяч евр выставбу мултіфункчной ледовой площадкы с цілковым предпокладаным бюджетом 320 тісяч евр, в Спішскій Белі 100 тісячами підпорить выставбу гокейовой галы с предпокладаным бютжетом 900 000 евр а третя здружена інвестиція у вышкі 90 тісяч евр буде заінвестована до умелой травняной площадкы на території фотбалового штадійона на Улиці Божены Немцовой у Вранові над Топлёв. Цілкова реконштрукція штадійона буде стояти 400 тісяч евр.
(Петро Кімак-Фейко)