У векшыні окресів Словакії ся од днешнього дня нетреба преуказувати тестом на COVID-19. Країна ся по новім ділить на дві части – на бордову і червено-ружову. Через  день ся в окресох в першім і другім ступіню варованя, то значіть в ружовых і червеных окресох, нетреба преуказати неґатівным выслідком тесту, кідь же про них через день неплатить заказ выходжіня. Тестом ся шак будуть люди мусіти преуказати в часі од 21.00 год аж до 1.00 год. рана. Втогды то значіть платить в даных тіпох окресох заказ выходжіня. В ружовім окресі стачіть 21-дньовый тест і в червенім 14-дньовый тест. Од днешнього дня є подля COVID автомату на Словакії 60 окресів в червеній фазі, в бордовій десять а в ружовій їх є девять. В чорній фазі не є єни єден окрес. (TASR, Pkf)