Російске міністерство заграничных справ варувало, же обіцянка ізраїльского премєра Беняміна Нетанягуа припоїти к Ізраїлю окупованы території на западнім берегу рікы Йордан бы могло вести к ескалації напатя в реґіоні. Інформувала о тім аґентура AFP. Російске міністерство заграничных справ увело, же є планом ізраїльской влады знепокоєне, протоже його реалізація бы могла вести к „прудкій ескалації напятя в реґіоні і марити надії на досягнутя довгоочікуваного міру меджі Ізраїльом і його арабскыма сусідами,“ пише ся у выголошені російского резорту діпломації. Выголосіня было выдане день перед планованов стрічов Нетанягуа з російскым презідентом Владіміром Путіном в Сочі. (TASR, Pkf)