x

В Презідентьскім палаці была одовздана петіція за выголошіня референдума о предчасных вольбах

00

Выше 585.000 людей підпорило петіцію за выголошіня референдума о предчасных вольбах. Заступцове петічного выбору одовздали бланкеты днесь в Презідентьскім палаці. Документы перебрав ведуцый Канцеларії презідента СР Метод Шпачек. Презідентка СР Зузана Чапутова ознамить свої дальшы крокы по тім, як ся потвердить, же петіція сповнює уставов предписаны крітерія. Презідентка бы мала выголосити референдум до 30 днів од одовзданя підписів. На выголошіня референдума треба мінімалні 350.000 підписів од жытелів. Як бы ся презідентка про референдумовый вопрос звернула на Уставный суд СР, мав бы до 60 днів вырішыти. Референдум бы ся мало одбыти найпізніше 90 днів од його выголошіня. (TASR, Pkf)