Чеська република од днешнього дня увольнює дальшы з кроків аплікованых у звязку з пандемійов коронавірусу SARS-CoV-2, інформував о тім справодайскый сервер Novinky.cz. Купаліска, зоолоґічны загороды, музеа, ґалерії, грады і замкы і подобны інштитуції будуть уж фунґовати в традичній превадзкі. Доволене чісло участників на громадных акціях ся звышує з 500 на 1000 людей. Так само  є доволена орґанізація великых торгів і шпортовых акцій до 5000 осіб. Мусять шак быти дотриманы певны крокы. Ческы драгы (ČD) зачали і з превадзков реґіоналных і меджіштатных влаків до Польска. (TASR, Pkf)