Італійскый премєр Джусеппе Конте остерігав перед дослідками діфіцітного продовжованя державного розрахунку, што бы могло скінчіти падом його влады. Выразив ся про ґазету Corriere della Sera. Подля премєра ся ріскує, же ся зачне санкчный процес з боку Европской комісії, што бы про Італію значіло, же стратить довіру в рамках пожычок і то може выкликати турбуленції на фінанчных рынках. Конте повів, же за то не може і не хотів бы нести зодповідность за то, же країна буде выставлена різікам. Непартійный премєр своє остеріганя прямив головно проти віцепремєра Маттеа Салвіні з правіцьовой Ліґы, котрый сіґналізовав, же ся не хоче рядити пожадавками Европской унії. Унія запропоновала зачати процес проти Італії, бо має высокый дефіціт розрахунку, пропозіційов будуть занимати ся державы еврозоны. Італії грозить штроф у вышці міліард евр.

(Медвідь, TASR)