Народна рада СР высловила у четверь недовіру владї Едуарда Геґера (ОĽANO). За пад влады голосовало 78 зо 102 притомных посланцїв, проти было 20, 2 ся стримали а двоє не голосовали. Іщі перед голосованём салу опустили посланцї OĽANO. Председа НР СР Боріс Коллар (Sme rodina) по голосованю перерушыв сходзу а ознамив, же з премєром підуть ку презідентцї Зузані Чапутовій. В пятніцю ся не буде голосовати, найблизше голосованя буде подля ёго слов у віторок (20.12.). ,,Продовжуєме дале в сходзі народной рады, не пав парламент, пала влада,“ повів Коллар. Зарівно медіям повів, же є за предчасны вольбы, котры бы ся мали подля нёго одбыти в маю або юну.

(TASR, Шутіова)