В суботу 8-го новембра, в день храмового праздника святого Архістратига Михаіла, Высокопреосвященый владыка Йона Максим, пряшівскый архієпіскоп і митрополіта завітав до Выдрани, де посвятив екстерьєр і інтерьєр храму, і одслужыв торжесатвенну літурґію. Храм реконштруовав ся поступно од 2019-го року вдяка підпорі Пряшівского самосправного краю, міста Меджілабірці і віруючіх парохії Выдрань. Обряды были по церьковнославяньскы, проповідь мав кір Йона по русиньскы. По літурґії владыка Йона передав віруючім парохії і далшым запрошеным гостям дяковны грамоты за довгодобу і жертвенну поміч при підниманю храму в парохії Меджілабірці – Выдрань.

(Медвідь, ISPA)