Охранарьскы орґанізації поважують пропозицію зонації Народного парку Полонины за недостаточну, котра неприносить потребну охрану вынятковой теріторії на выходній Словакії. Попередили  то на пресконференції. Міністерство жывотного оточіня (MŽP) СР опонує, же мімовладны орґанізації політикарчать і шырять гістерію. Зонація ся ріхтує і в далшых парках, але процес в Полонинах є найдале і пропозиція з ділні MŽP мать быти представлена в найблизшых дньох. Подля Растіслава Мічаніка (Аевіс) є пропозиція зла і неодборна. Крітізовав, же строго мать быти храненых лем 16% теріторії, причім на веце як 80% буде надале можна господарьска актівіта, наприклад тяжіня дерева. Орґанізації тыж поуказали, же до строго храненых зон не были загорнуты ани вшыткы теріторії світовой дідовизні UNESCO. MŽP наспак твердить, же зонація решпектує стары лісы і пралісы UNESCO з пропонуваным найвысшым ступіньом охраны і єдночасно пожадавкы пріватных властників і жытелів на жывот і роботу в реґіоні. (Пкф, TASR)