Місто Меджілабрці мать новый вебсайт, котрый має сповняти сучасны тренды і технолоґії а так само має быти в згоді з платнов леґіслатівов. Про аґентуру TASR то потвердила Моніка Віціанова з Містьского уряду. Місто хотіло змодернізовати дізайн вебу із 2008-го року і про факт, же обсяг не дотирмовав правила приступности вебу з погляду припису Міністерства фінанцій. Далшов причінов было вытворіня русиньской языковой мутації, кедьже Меджілабірці находять ся в списку сел і міст в смыслі наряджіня валды ч. 221/1999, якым ся публікує список сел і міст, котрых обчаны СР приналежачі ку народностній меншыні творять найменше 20 процент населіня. Про тоты села і міста платить обовязок публіковати важны інформації на вебсайті нелем в державнім языку, але і в языку народностной меншыны – в припаді Меджілаборець в русиньскім языку. Русиньска верзія не є іщі комплетна, буде ся доповньовати.

(Медвідь, TASR)