Чеськый презідент Петр Павел зо женов Евов навщівлять 19. януара Ватікан. Прийме їх папа Лев XIV. а в планї є тыж рокованя зо штатным секретарём Ватікану Піетром Пароліном. У четверь о тім на своїм вебі інформовав Пражскый град, пише справодайкыня TASR в Празї. Остатнїй раз ся подобна навщіва одбыла в роцї 2015, кедь втогдышнёго презідента Мілоша Земана прияв папа Франціск. Кедь ся новов головов католицькой церькви став Лев XIV., чеськый презідент Павел го в ґратулачнім листї позвав на навщіву ЧР. Чехію з папежів остатнїй раз навщівив Бенедікт XVI. в роцї 2009. ЧР є єдна з мала европскых держав, котра не мать змлувно управлены одношіня зо Святов століцёв.

(TASR, Шутіова)