Україньскый презідент Володимір Зеленьскый в понедільок выголосив, же Київ не має жадне законне ани моралне право зречі ся свойой теріторії на благо Москвы в рамках будьякого договору заміряного на закінчіня майже штирирічной войны, інформує аґентура AFP. Европскы союзници Україны в понедільок проявили підпору україньскому презідентови. Брітаньскый премєр Кеір Стармер прияв Зеленьского, як і французьского презідента Еммануела Макрона а німецького канцеларя Фрідріха Мерца у своїй резіденції в Лондоні. На онланй пресконференції по їднаню із споминаныма европскыма лідерами Зеленьскый підкреслив, же Київ не може в жаднім договорі одступити теріторію Росії. Подля представителя познакомленого із їднанями лишыли ся теріторіалны вопросы „найпроблематічнішым вопросом“ у переговорах.

(Медвідь, TASR)