x

Одбыло ся засіданя реґіоналной і містьтной самосправы, котре орґанізувало ПСК

00

Вытворити платформу про будучу сполупрацю і взаємне партнерство было цільом засіданя реґіоналной і містьтной самосправы, котру орґанізувала пряшівська крайска самосправа (ПСК). В Пряшові ся вчера з пріматорми міст і старостами сел діскутовало о можностях про дальшый розвой. Запропонуваный концепт сполупраці мать помочі к будованю ліпшого края. Пресаґентуру TASR о тім інформувала його говоркыня Даша Єленьова. На акції ПСК представило свої пріоріты  спрямуваны на проґрамовый період 2021-2027 і приправу інтеґрованых проєктовых пакликів, кедь в рамках алокації з Проґраму Словакія мать на теріторію Пряшівського края прийти скоро 250 міліонів евр. Говорило ся окрім іншого і о одобреных пріорітах края на новый проґрамовый період вчлененых до семых інтеґрованых проєктовых пакликів, котры творять Інтеґровану теріторіалну стратеґію. Частьов засіданя была тыж отворена діскусія і презентація актерів реґіоналного розвоя. (TASR, Pkf)