Росія бы могла анектовати ґрузиньскы реґіоны Абхазско і Южне Осетско в сітуації, кедь буде мати на то достаточны причіны. Увів то підпредседа Рады безпечности Російской федерації Дмітрій Медведев в статті про російскый тыжденник Арґументы і факты, інформує о тім станіця Sky News. Москва тоты два реґіоны офіціалні узнала за незалежны републикы в року 2008, кедь быв Медведев російскым презідентом, припоминать Sky News. Векшына членьскых країн OSN їх шак поважує за ґрузиньскы теріторії окупованы Російов. Росія є подля Медведева днесь приправена рішыти сітуацію через дебаты у звязку з Хартов OSN. Москва але небуде вагати в сітуації, як російскый страх зачне мати реалны рисы. (TASR, Pkf)