Польскый презідент Андрзей Дуда потвердив, же Росія зачала пересувати дакілько штуків ядровой зброї короткого доліту до Білорусії. Тот  крок подля нього змінить безпечностну архітектуру реґіону і цілой Североатлантічной аліянції. Інформує  о тім аґентура AP. Російскый презідент Владімір Путін і його білорускый напротивок Александер Лукашенко в юлі увели, же Москва уж приправила пару штук свойой тактічной нуклеарной зброї на основі плану ознаменого в марці. USA і NATO тот крок непотвердили. Ґенералный секретарь NATO Дженс Столтенберґ одсудив тот крок Москвы як небезпечный і неодповідный, но в юлі повів, же Аліянція незазначіла нияку зміну в ядровій стратеґії Росії. (TASR, Pkf)